Gazteentzako justizia
[su_row]
[su_column size=”1/3″ center=”no” class=”background-color: #F7D25C”]
EGOITZAK
[/su_column][su_column size=”1/3″ center=”no” class=”background-color: #F7D25C”]
EGUNEKO ZENTROAK
[/su_column][su_column size=”1/3″ center=”no” class=”background-color: #F7D25C”]
TOKI IREKIETAKO ZERBITZUAK
[/su_column]
[/su_row]
Gazteentzako justizia
Alor honetan laguntzarako zenbait aukera eskaintzen dira delitu-egintzak egin dituzten adin txikiko eta gazteentzat, adin txikikoen erantzukizun penala arautzen duen 5/2000 Lege Organikoan oinarrituta, adin txikikoen epaitegi batek haien inguruko neurriak hartu dituenean.
Zerbitzuen helburua adin txikiko eta gazte horiei laguntzarako interakzio-aukera bat eskaintzea da (psikologiko, sozial eta hezitzailea), haien normalizaziora, garapen orokorrera eta komunitateko integrazio sozial positibora bideratua. Horretarako, adin txikiko edo gaztearekin lan egingo da, eta haren familia-giroa ere landuko da, pertsona hori bere ingurune naturalean modu autonomoan molda dadin laguntzeko.
Berriztu Hezkuntza Elkartearen barruan hainbat aukera sortu dira adin txikiko eta gazte horientzat, egoitzetan, eguneko zentroetan eta toki irekietan.
Egoitzak
Gazteentzako Justiziaren alorrean, egoitzetan eskaintzen diren zerbitzuak arduratzen dira, nagusiki, Euskal Autonomia Erkidegoko eta Nafarroako Foru Komunitateko Adin Txikikoen Epaitegiek emandako barneratze-neurriak gauzatzeaz (erregimen itxian, erdi irekian eta irekian).
Hezkuntza-zentro horien barruan arreta-mota hauek eskainiko dira:
- Gizarte- eta hezkuntza-arreta
- Trebakuntza-arreta: ikasgela, tailerrak.
- Gizarte- eta familia-arreta
- Egoitza: bizitokia eta elikadura
- Zentro horietan artatu diren pertsonentzako arreta (jarraipena).
Egoitzan autonomiaz bizitzea, bestalde, tarteko urratsa da adin txikiko eta gazteentzat, zentroetan bizitzetik barneratze-neurria amaitzen den unerako prestatzeko. Egoitza hori funtzionamendu autonomo nahiko handia duten adin txikiko pertsona eta gazteentzako pentsatuta dago.
URGOZO Hezkuntza Zentroa
Tokia: Bizkaia
Plaza kopurua: 10
URIBARRI Hezkuntza Zentroa
Tokia: Araba
Plaza kopurua: 16
ARANGUREN Hezkuntza Zentroa
Tokia: Nafarroa
Plaza kopurua: 20
BIZKAIA Autonomia Egoitza
Tokia: Bizkaia
Plaza kopurua: 6
ELKARBIZI Egoitza
Tokia: Nafarroa
Plaza kopurua: 6
Eguneko zentroak
Zentro hauek, beren helburua betetzeko, komunitatean integratuta daude erabat. Zentro hauetan giro egituratu bat eskaintzen zaie adin txikiko pertsona eta gazteei, eta egunaren zati handi batean jarduera psikologiko, sozial eta hezitzaileak egiten dituzte. Horri esker, familiaren ohiko etxean bizitzen jarrai dezakete.
Eguneko zentro hauen barruan arreta-mota hauek eskainiko dira:
- Gizarte- eta hezkuntza-arreta
- Trebakuntza-arreta: tailerrak
- Arreta erdi erresidentziala (elikadura)
- Zentro hauetan artatu diren pertsonentzako arreta (jarraipena)
Zabalik eguneko zentroa:
Tokia: Bizkaia
Plaza kopurua: 22
Ireki eguneko zentroa:
Tokia: Gipuzkoa
Plaza kopurua: 18
Uribarri eguneko zentroa:
Tokia: Araba
Plaza kopurua: 6
Toki irekietako zerbitzuak
Toki irekietako zerbitzuak arduratzen dira Euskal Autonomia Erkidegoko eta Nafarroako Foru Komunitateko adin txikikoen epaitegiek ezarritako zenbait neurri betetzeaz, besteak beste hauek:
- Zaintzapeko askatasuna
- Tratamendu anbulatorioa
- Gizarte- eta hezkuntza-eginkizuna
- Komunitatearen onurarako prestazioa
- Asteburuan etxean egotea
Toki irekietako zerbitzu hauen barruan arreta-mota hauek eskainiko dira:
- Gizarte- eta hezkuntza-arreta
- Toki hauetan artatu diren pertsonentzako arreta (jarraipena)
Interakzioa adin txikiko pertsona edo gaztearen ingurunean bertan egiten da, haren familia- eta gizarte-ingurunetik atera gabe.
Toki Irekietako Neurrien Zerbitzua Bizkaian:
Tokia: Bilbo
Toki Irekietako Neurrien Zerbitzua Gipuzkoan:
Tokia: Donostia
Toki Irekietako Neurrien Zerbitzua Nafarroan:
Tokia: Iruñea
